Benqueridas familias:
Con motivo da nova orde que a Consellería de Educación pretende sacar adiante, o claustro de mestr@s do CEIP Virxe do Rocío quere poñer no voso coñecemento o porque do seu total rexeitamento á devandita orde.
Segundo a Consellería “o cambio de xornada lectiva, que se vai aplicar o vindeiro curso e coa que pretendemos levar a cabo as actuacións que apoien e reforcen a calidade a través da atención á diversidade, labores de apoio, desdobramentos, substitucións breves ou apoio a outros mestres, entre outros, redundarán en beneficio do alumnado”
Isto non é certo. Explicamos por que:
* O cambio na xornada lectiva dos docentes, que non aumento, vai supoñer un descenso no número de mestr@s que desenvolven o seu labor no centro.
*O descenso no número de docentes vai supoñer, á súa vez, a imposibilidade de realizar as actividades que se viñan desenvolvendo en cursos anteriores (biblioteca, TIC, festivais, saídas…), por non haber persoal abondo.
*A actividade da biblioteca do centro, verase grandemente reducida ou mesmo anulada.
* As horas de docencia na aula TIC(informática) terán que ser suprimidas.
* Os alumnos, en xeral, van ver diminuída a calidade docente, nomeadamente os alumnos con dificultades específicas (alumnos con NEAE) xa que non van poder contar cos apoios precisos.
* A escaseza de persoal vai supoñer un “baile” de docentes nas distintas aulas.
* A obriga de desenvolver labores que non son propias do profesorado, a máis de supoñer a perda de postos de traballo, vai redundar na deficiencia da atención docente dos alumnos.
Todas estas cuestións atinxen tanto aos docentes como ás familias, xa que estas van constatar un empeoramento na calidade do ensino, cuestión esta que supoñemos non será do seu agrado, como tampouco é do noso.
Como podedes ver, todo isto non vai supoñer unha mellora na calidade do ensino, como dende a Consellería nos queren facer crer, senón un claro deterioro da mesma.
O Claustro de mestres do CEIP Virxe do Rocío
COMO AS FAMILIAS SABEDES,PODEDES MANDAR OS VOSOS TRABALLIÑOS DE VACACIÓNS Ó CORREO ELECTRÓNICO DA PROFE MARICRUZ E ESTARÁN NO BLOGUE PARA QUE TODOS/AS PODADES ADMIRALOS.
SEGURO QUE TE LEMBRAS DE BASTANTES PORQUE APRENDICHES MOITOS COA PROFE MARICRUZ.
Aínda que esta bebida non é popular en Galiza,agora pódense mercar as chufas en tódalas superficies comerciais,non como cando eu era pequena ,que tiña que esperar a ir o Levante español para gozar desta bebida espectacular,sá e fabulosa polas súas propiedades.
A horchata é rica en minerais e vitaminas, entre os que destacan o fósforo, o potasio e as vitaminas C e E. Tamén achega numerosas encimas que facilitan a dixestión. Non contén lactosa nin cafeína, nin gluten, aínda que algunhas marcas comerciais engádenlle proteína de leite, pero hoxe ímosvos a explicar como preparar horchata natural, polo que os nenos alérxicos ou con non toleranza ao leite poden tomala sen problemas.
ONTE PERECHO VOS PRESENTABA UN XOGO DE GRAO AVANZADO DE LECTOESCRITURA.
SE QUEREDES QUE OS VOSOS FILLOS/AS ESCOMENCEN A PRACTICAR COAS LETRAS MINÚSCULAS E O SEU COMPLICADO TRAZADO,PODEDES FACELO CON ESTA ACTIVIDADE,PERO SEMPRE CUN ADULTO SUPERVISANDO.ESTA ACTIVIDADE ASEMÉLLASE Á METODOLOXÍA DE ESCRITURA DA PROFE MARICRUZ EN CANTO ÓS ENLACES ENTRE AS LETRAS E OS XIROS.
