O MAGOSTO DOS NENOS/AS DE 5 ANOS.

OBRADOIROS CONXUNTOS E DO GRUPO AZUL.

E AGORA...A FACER UN MAGOSTO NA VOSA CASA!

OS PREPARATIVOS PARA O NOSO MAGOSTO 2011.

Cantigas do Magosto:

Aquí témolo magosto
que viva a festa rachada
os meniños desta escola
farán hoxe a castañada.

Señora María, señor Manuel
Castañas asadas, que saben moi ben,
que saben moi ben, que saben moi ben.
Señora María, señor Manuel.
________
A castaña no ourizo
quixo rir e regañou.
Caeu do castiñeiro embaixo,
mira tí o que gañou.
________
Canta cuco, canta cuco 
na galla do castiñeiro,
coa machadiña na man,
aprendendo á carpinteiro.
________
Non chas quero, non chas quero,
castañas do teu magosto,
Non chas quero non chas quero,
que me cheiran a chamosco.
_______
Santiña do Soutarelo
bota castañas embaixo
aunque non teña mantelo,
collereinas no refaixo.
________
Santo que estás no canizo
bota castañas embaixo
que aunque non teño candíl,
acadochas no refaixo.
_________
Mociños de aló arriba
vídevos ó fiadeiro
que vos hei de dar castañas
cando eu seña catiñeiro.
__________
Miña nai, dóime a barriga.
-Miña filla, confesión.
As castañas que comiche,
de qué castiñeiro son?
__________
A castaña no ourizo
quixo rir e regañou:
caiu castiñeiro abaixo,
mira que chasco levou!
____________
Castañas asadas
e viño con mel,
e a miña señora
detrás do tonel.
____________
Monxe que estás no canizo,
tira castañas para baixo,
tírame das máis grandiñas
que as pequenas non me baixo.
____________
Acabáronse as vendimas
e veñen as esfolladas,
para comer coas mozas,
catro castañas asadas.

REFRÁNS:
Castañas, noces e viño,
 fan as delicias do San Martiño.

Polo San Martiño,

peóns ó camiño.

Polo San Martiño, 
atesta o viño,
 deixa a auga
e come castañas e viño.

Adeviña...adeviñanza...
Son pequena e a miña cor é marrón,
cando chega o outono métenme no fogón.

(a castaña)

No alto estou,
cor de ouro teño,
por unha risada
perdo canto teño.

(o ourizo)

REPASAMOS OS NOMES DOS FROITOS DE OUTONO.

DESPOIS DE DEGOSTAR OS FROITOS DE OUTONO QUE ÍAN NAS  CESTAS QUE FIXERON AS FAMILIAS,CLASIFICAR OS FROITOS EN CARNOSOS E SECOS,MONTAR O NOSO PARTICULAR RECANTO DOS FROITOS E OUTRAS MOITAS ACTIVIDADES,IMOS REPASAR OS NOMES DALGÚNS DELES.

AS NOSAS CASTAÑAS XA ESTÁN PREPARADAS PARA O MAGOSTO DO MÉRCORES,SE O TEMPO O PERMITE.

SE NON SABEDES QUE POÑER ESTA TARDE PARA MERENDAR,VOU DARVOS UNHA IDEA.

COLLEDE GALLETAS MULTICEREAIS,QUEIXO DE UNTAR E MARMELADA DE ARÁNDANOS,MOURAS OU AMORODOS E FACEDE UNHA BONITA TORRE.

PÓDENLA FACER OS NENOS/AS SÓS.

ESTÁN BOÍSIMAS!

PERECHO PONSE MORADO A COMELAS NA SÚA CASA DE "A BOUZA".

CLARO,COMO TEN TANTAS MOURAS E ARÁNDANOS PRETO DA SÚA CASA...

BO PROVEITO!

O MILLO.

EXISTE ALGO QUE ,APARTE DAS CASTAÑAS E AS LANDRAS,GÓSTALLE TAMÉN Ó NOSO AMIGO O PORQUIÑO:"O MILLO".

DESGRANÁMOLOS GRANS.

OS CAROZOS QUE QUEDEN,GARDARÉMOLOS PARA O LUME DO NOSO MAGOSTO DESTE VENRES,SE NON CHOVE.

APRENDEMOS O NOME DAS PARTES DESTA PRANTA QUE VEN DA TERRA DE POCAHONTAS,AMÉRICA.

 ESCRIBIMOS OS NOMES EN  GALEGO,TANTO EN MAIÚSCULAS COMO EN MINÚSCULAS.

QUE BEN O FIXEMOS!

É QUE ...,TRABALLAMOS MOITÍSIMO!

PERO TAMÉN LEMBRAMOS UNHA DAS COUSAS QUE APRENDIMOS O ANO PASADO SOBRE O MILLO:

A HISTORIA DE KALICUM E OS FLOCOS DE MILLO.

E PARA QUE FAGADES UN POUQUIÑO DE MEMORIA...

NOVEMBRO:Mes do magosto e os porquiños.

COMO NOS GOSTAN OS PORQUIÑOS!

SOBRETODO OS NOSOS PORCOS CELTAS,RECENTEMENTE RECUPERADOS,POIS ESTABAN EN PERIGO DE EXTINCIÓN.

MIRADE QUE BONITIÑOS SON.

PERO O QUE MÁIS NOS GOSTA DELES SON AS BOAS COUSAS 

QUE NOS DAN.

A VER SE SABEDES O NOME DALGUNHAS DELAS?

FALAREMOS DELAS NA CLASE.

NÓS SABEMOS AS PARTES DA CACHEIRA DO PORQUIÑO PORQUE XA AS DEMOS NOS CURSOS ANTERIORES,PERO ESTE ANO APRENDEREMOS ALGUNHAS PARTES DO CORPO,COMO ESTAS...

.

O ANO PASADO APRENDIMOS UNHA CANCIÓN SOBRE O NOSO AMIGO O PORQUIÑO .

ÍMOLA LEMBRAR!

PRONTO SERÁ O MAGOSTO E COMEREMOS UNHA DAS COUSAS QUE MÁIS LLE GOSTAN ÓS PORQUIÑOS:"AS CASTAÑAS".

SE QUEREDES SABER DO NOSO MARAVILLOSO "PORCO CELTA"PREMEDE NO ENLACE, QUE APARECE DEBAIXO DESTE PRECIOSO PORQUIÑO ,E DESCUBRIREDES COUSAS QUE NON SABÍADES DEL.

http://www.asoporcel.com/porco-celta/estandar-orixe-evolucion

SE VOS PETA COLOREAR ÓS TRES PORQUIÑOS DO CONTO,PREMEDE NO ENLACE QUE APARECE DEBAIXO DA FOTO DESTES TRES VALENTES QUE SOUPERON VENCER Ó LOBO.

FARÉMOLO TAMÉN NA PDI(PIZARRA DIXITAL) DA NOSA ESCOLA.

http://www.coloreardibujos.net/lostrescerditos.html

LEMBREMOS ESTE CONTO MARAVILLOSO.

ENCÁNTANNOS OS PORQUIÑOS!

QUEBRACABEZAS DE CABAZAS PARA PASALO BEN E APRENDER.

PARA ESCOMENZAR A MONTALO TES QUE PREMER EN "OK".
AGORA UN DIFICILIÑO.
NON TE PREOCUPES SE NON ERES CAPAZ DE FACELO Á PRIMEIRA.
SEGURO QUE SAE Á SEGUNDA OU Á TERCEIRA.
CONCÉNTRATE E SERÁS O CAMPIÓN/A.

A QUE ESTÁN GUAIS!

É UN AGASALLO MEU.

MOITOS BIQUIÑOS E "FELÍZ OUTONO".

O VOSO AMIGO, PERECHO.

XOGOS DO OUTONO EN VEDOQUE.

PREME AQUÍ PARA XOGAR.

NON TE PREOCUPES SE ALGUNHAS COUSAS NON TE SAEN BEN.

É UN POUQUIÑO DIFÍCIL.

A TRANSFORMACIÓN DE SARA.

NESTA SEMANA,A SARA CAÉUSELLE OUTRO DENTE E TIVEMOS UNHA IDEA XENIAL...

ESTA É SARA ANTES DE TRANSFORMARSE NUNHA...

...GUAPÍSIMA VAMPIRESA

O SAMAÍN ACHÉGASE E XA ESTÁMONOS PREPARANDO.SE QUERES COLOREAR,ON- LINE,PRECIOSOS DEBUXOS COMA ESTE...

PREME NO SEGUINTE ENLACE

http://www.yodibujo.es/c_9861/dibujos-para-pintar-y-colorear/dibujos-para-colorear-fiestas/dibujos-para-colorear-halloween/dibujos-para-colorear-vampiro-halloween/dibujo-de-dracula-para-halloween

A NOSA VERSIÓN DE:"MIRA,LLEGÓ EL OTOÑO".

PEDIMOS DISCULPAS POLA CALIDADE DA IMAXE,PERO É QUE O VÍDEO DA PROFE NON FUNCIONA MOI BEN.

O MÁIS IMPORTANTE É O ESFORZO DOS NENOS/AS E O GRACIOSOS QUE ESTÁN.

SEN AXUDA DA PROFE MARICRUZ.

AGORA COA AXUDA DA PROFE MARICRUZ.

O ACIO DE UVAS.

PARTES DUN ACIO DE UVAS

TIPOS DE UVAS

UVA VERDE -VIÑO  E CAVA BRANCO.

UVA NEGRA OU MORADA-VIÑO TINTO

UVAS ROSADAS-VIÑO E CAVA ROSADO

UVA PASA

PENSA O  QUE NOS QUERE ENSINAR ESTA FÁBULA.

FALA COA TÚA FAMILIA SOBRE ELA E DESPOIS FALAREMOS DELA NA CLASE.

PREME NO ENLACE PARA FACER A TÚA VENDIMA PARTICULAR ,E BUSCA OS ACIOS DE UVAS PARA LOGO METELOS NA CESTA.


http://www.cincopatas.com/arboles%20frutales/uvas.html

SARA:A PRIMEIRA FANADA DA CLASE.

HOXE LUNS,SARA DEUNOS UNHA NOVA:

CAÉUSELLE O SEU PRIMEIRO DENTE E O RATO PÉREZ PÚXOLLE UN EURO DEBAIXO DA ALMOFADA.

SARA E A PRIMEIRA NENA ,DA NOSA CLASE, QUE QUEDA FANADA.

NORABOA,SARA!

ESTASTE FACENDO MAIOR.
AGORA VAITE SAIR UN DENTE CON RAÍZ E PARA SEMPRE.

SE NON SABEDES A HISTORIA DO RATO PÉREZ...

DEGUSTACIÓN UVAS DE "O ROSAL".

FORMA,OLOR,SABOR,TEXTURA...QUE BOAS ESTÁN AS UVAS,QUE TRUXO A PROFE MARICRUZ,DA COMARCA DE "O ROSAL"-BAIXO MIÑO(Pontevedra).

COAS UVAS APRENDEMOS MOITOS CONCEPTOS E ATA FACEMOS MATEMÁTICAS,ADEMAIS DE GOZAR CO SEU SABOR DOCE.

GÚSTANME AS UVAS!

¡ME GUSTAN LAS UVAS!

ADEGAS QUINTA COUSELO DE "O ROSAL"

A VENDIMA.

XA SABEDES QUE OS NENOS/AS NON PODEN BEBER VIÑO PORQUE TEN ALCOHOL,PERO SÍ O ZUME DAS UVAS,"O MOSTO",QUE TEN MOITAS VITAMINAS E DA MOITA ENERXÍA.

VOS CONVIDO A UNHA COPIÑA DE MOSTO COMO O QUE FIXEMOS O ANO PASADO NA CLASE,ESMAGANDO AS UVAS.LEMBRADES?

QUEREDES TOMALO CONMIGO?

MOITOS BIQUIÑOS,PERECHO.