"A CASTAÑA CATARINA" É UN CONTO PRECIOSO QUE TRABALLAMOS NA NOSA AULA.
LÉDEO.
Hai moitos anos, moitísimos anos, nun castiñeiro
do souto de Outeiro ,vivía moi feliz a castaña
Catarina.
A gustiño sentíase metida no seu ourizo, na
compaña da súa irmá. Un día de outono notou
tremelica-la súa casa:
- Qué estará ocorrendo?- Preguntábase
amedrentada.
A pachorrenta da súa irmá exclamou:
- Que ben! .Quen nos estará a bambear?
Curiosas abriron unha fendiña no ourizo, axexaron
e decatáronse de que era o vento que cada vez
sopraba con máis forza.
Tanto soprou e soprou que remataron no chan:
- Ai, ai, ai…!! As miñas costas- Dixo Catarina.
- Ui, ui, ui…!! Que traompada- Queixouse a súa
irmá.
Malia estar atornadas polo golpe, escoitaron unhas
voces que se achegaban. Eran os rapaces do Cole Rocío,
na procura de castañas para face-lo magosto.
- Mirade! Este ourizo xa está algo aberto, voulle
saca-las castañas…
- Que frío! .Qué será de nós? .Cara a onde nos
levará?
Preguntábanse as irmás.
Como os nenos e as nenas ían a todo correr polo
souto abaixo, Catarina caeu do saco onde a gardaban
e foi dar a un burato que había no chan, alí quedou
feliz ao cuberto do frío.
Mentres, o resto do grupo chegaba ao cole,onde
había unha fogueira recén acendida.
- Repartámo-las castañas para picalas- Dixo unha
das nenas.
- Ou queredes que estouren?
- Nooooon! .A picar!- Respostou o resto.
Despois de picalas, asáronas e coméronas.
As mans quedáronlles negrísimas, cheas de borralla
e decidiron xogar a tisna-las caras.
E…Qué sería de Catarina?...
Pois…veredes… co paso do tempo Catarina
converteuse nun fermoso CASTIÑEIRO.
Mirade o bonito traballo que fixemos na aula,baseándonos no conto e a sorpresa de Perecho.
Fixemos a nosa árbore particupar.
Fixemos a nosa árbore particupar.
MINICONTO DA NOSA BIBLIOTECA DE AULA .
Estamos a relacionar a castaña cos porquiños.
PREMEDE NA FOTO PARA LER O CONTO.
GRAZAS A TÓDALAS FAMILIAS POLA SÚA COLABORACIÓN NA RECOLLIDA DE FOLLAS PARA A NOSA ÁRBORE E TAMÉN A PERECHO POLA SÚA SORPRESA.
Ola Mari Cruz!!
ResponderEliminarSon Asun, a coordinadora da Biblioteca do CEIP VÍCTOR SÁENZ de Mazaricos. Quería felicitarte pola iniciativa deste blog cheo de recursos para rapaces, pais e por suposto para profes.
Vemos que tamén empregades recursos elaborados polo noso centro (como o texto dos trasnos. Agradecemos enormemente a súa difusión e que lles saquedes partido. O único que vos pedimos é que nos citedes como fonte. Moitas grazas de antemán.
Por outra banda, mirando ás fotos das vosas novas instalancións acabo de atopar a foto dunha compañeira coa que traballei fai anos no C.E.E. Saladino Cortizo ahí en Vigo. É a profe Belén. Agradeceríache enormemente que lle deses unha forte apreta da miña parte.
De novo noraboa polo teu traballo e ánimo para seguir con el.
Apertas dende Mazaricos
Asun
Coodinadora do Equipo de biblioteca do CEIP VICTOR SAENZ.
http://bibliovictorsaenz.blogspot.com
Perdón pola miña ignorancia,pero pensei que como ao dar ao ezpand xa pon a procedencia do documento nun recadro,era redundante voltar a nombrar tal procedencia.Grazas polos vosos comentarios ao meu humilde blogue.Dareille os saudos a Belén pq ,aparete de ser unha excelente profesional,fun a profe do seu fillo e é unha maravillosa amiga.Unha aperta afectuosa de Maricruz,antiga profe do cole de Fisterra,durante tres anos,CEIP"Mar de Fora",preto do voso.Grazas polos vosos materiais.
Eliminar