AO TEATRO...!A NENA E O GRILO NO PAÍS DAS APERTAS.

Esta mañá estivemos no auditorio do teatro da Fundación "A Banca",para ver unha obra de teatro musical,
"A NENA E O GRILO NO PAÍS DAS APERTAS".

A través de cancións con tintas de pop, rock, reggae ou bossa nova, cóntase a historia da amizade entre unha nena e un grilo. Ambos descóbrennos emocións e sentimentos, ensínannos a vivir e conseguen que nos mergullemos nun universo máxico. Unha historia que nos fai medrar uns centímetros en doses de ilusión, creatividade e imaxinación.

Trátase de historias para os máis cativos, para aprender, ser e sentir, para convencernos de que podemos crear outra realidade.Baseada no libro-disco,do mesmo título,e que nós recomendamos ás familias,os nosos rapaces identificáronse cos seus protagonistas e interactuaron,activamente,cos actores-cantantes.

Pasáronno fenomenal!
Os nosos nen@s prepararon a visita uns días antes nas aulas,aprendendo o conto,cantando algunhas das cancións,traballando o que é un teatro e o comportamento  que temos que ter nos sitios onde se ven espectáculos.

Para obter máis información sobre o libro-disco,podedes premer na portada do mesmo.

Texto de Magín Blanco

Ilustracións de Iván Prieto

Letra e música de Magín Blanco, Uxía e João Afonso

Colaboran: Uxía, Ugia Pedreira, Guadi Galego, Fred Martins, Guillermo Fernández…

Produción artística e musical: Uxía

Este é o conto que os nosos nen@s prepararon antes de ir ao teatro.

A NENA E O GRILO NO PAÍS DAS APERTAS

Leer más publicaciones en Calaméo
Se queredes cantar connosco a canción da 
"Nena Menciñeira",
que é a cantiga que lle canta a nena ao seu amigo o grilo,cando éste atópase maliño e non ten ganas de cantar,premede no corazón.

E AGORA,AS FOTOS DESTA SAÍDA.
XA SABEDES QUE PODEDES DESCARGALAS NOS VOSOS PCs.
ALGUNHAS DAS FOTOS ESTÁN UN POUCO MOVIDAS E NON SAÍRON MOI BEN,POIS NON SE PODE UTILIZAR O FLASH NO TEATRO.
O MÁIS IMPORTANTE É A LEDICIA QUE EXPRESAN AS SÚAS FACIANAS.
PREMEDE NA FOTO.